FUZÛLÎ - GAZEL / Yağmur -
Hâsılım yoh ser-i kûyunda belâdan gayri
Garazım yoh reh-i aşkında fenâdan gayri
Ney-i bezm-i gamem ey âh ne bulsan yele ver
Oda yanmış kuru cismimle hevâdan gayri
Perde çek çehreme hicrân günü ey kanlu sirişk
Ki gözüm görmeye ol mâh-likadan gayri
Yetti bî-kesliğim ol gâyete kim çevremde
Kimse yoh çizgine girdâb-i belâdan gayri
Ne yanar kimse bana âteş-i dilden özge
Ne açar kimse kapım bâd-i sabâdan gayri
Bozma ey mevc gözüm yaşı habâbın ki bu seyl
Komadı hîç imâret bu binâdan gayri
Bezm-i aşk içre Fuzûlî nice âh eylemeyem
Ne temettu bulunur neyde sadâdan gayri
Hiç yorum yok:
Yorum Gönder